އެއްދުވަހަކު، ގެއެއްގެ ދެ ފާރު ވާހަކަ ދައްކަން ފެށިއެވެ. މި ދެ ފާރަކީ އެތައް އަހަރެއް ވަންދެން ކައިރީގައި ހުރި ދެ ފާރެވެ. ނަމަވެސް މިހާތަނަށް މި ދެ ފާރު ދައްކާފައިވާ ވާހަކައަކީ "ސަލާމް" އާއި "ވައްސަލާމް" އެވެ.

އެއް ފާރުން އަނެއް ފާރަށް ގޮވާލިއެވެ. "އޭ އަޚާ، ކަލޭގެ ހާލު ކިހިނެއް؟"

އަނެއް ފާރުން ޖަވާބު ދިނެވެ. "އަލްޙަމްދުލިއްލާހް. ރަނގަޅު. ކަލޭގެ ހާލަކީ ކޮބާ؟"

"އަހަރެންވެސް ރަނގަޅު. އެކަމަކު މިހާރު ވަރަށް ބޮޑަށް ވަރުބަލިވެއްޖެ. އެތައް އަހަރެއް ވަންދެން މިތާ ހުރެ ހުރެ ވަރަށް ބޮޑަށް ވަރުބަލިވެއްޖެ."

"އާނ، ތެދެއް. އަހަރެންވެސް ހަމަ އެހެން. އަހަރެމެންނަށް ލިބޭ ހަމައެކަނި މުނިފޫހިފިލުވުމަކީ މީހުން ދައްކާ ވާހަކަ އަޑުއެހުން."

"ހާދަ ރަނގަޅު ވާހަކައެއް ތި ދެއްކީ. އަހަރެމެން މިހާރު ވާނީ މުސްކުޅިވެފަ. ކުލަ އޮހޮރި، ހިރަފުސް އަޅައި، ބައެއް ތަންތަނުން ފަޅައިގެން ގޮސްފި."

"އާނ، އެކަމަކު އަހަރެމެންގެ މަސައްކަތް ވަރަށް މުހިންމު. އަހަރެމެން ނެތްނަމަ މި ގެ ވެއްޓުނީސް."

"ތެދެއްމެ. އަހަރެމެންނަކީ މި ގޭގެ ބުރަކަށްޓޭ ބުނެވިދާނެ. އަހަރެމެން ނެތްނަމަ މި ގޭގެ އެއްވެސް އެއްޗެއް ނުހހުންނާނެ."

"އާނ، ހަމަ ރަނގަޅު ވާހަކައެއް ތި ދެއްކީ. އަހަރެމެންގެ މަސައްކަތުގެ އަގު ވަޒަންކުރާ މީހުން މަދު.. އެކަމަކު އަހަރެމެން ކެތްތެރިކަމާއެކު މަސައްކަތް ކުރަމުން ގެންދަނީ."

މިހެން ދެ ފާރު ވާހަކަދައްކަމުން ދިޔައެވެ. އެ ދެ ފާރުގެ ވާހަކައިން އެނގުނީ ކޮންމެ އެއްޗަކަށްވެސް އޭގެ މުހިންމުކަމެއް ހުންނަ ކަމެވެ. އަދި ކޮންމެ އެއްޗެއްގެވެސް މަސައްކަތަކީ އަގުހުރި މަސައްކަތެއްކަމެވެ. އަދި ހަމައެހެންމެ ކެތްތެރިކަމާއެކު މަސައްކަތްކުރުމުގެ މުހިންމުކަމެވެ.